Точики (Точикистон)Russian (CIS)English (United Kingdom)
•Дек•06

Амрико мегӯяд, дар эътирозҳои Эрон шояд то 1000 тан ҷон бохтанд

•E-mail• •Чоп• •PDF•

Департаменти давлатии ИМА иттилоъ медиҳад, ки шояд нерӯҳои амниятии Эрон аснои таъқиби эътирозҳои ахири ин кишвар дар робита бо


болоравии нархи бензин, то як ҳазор нафарро ба қатл расондаанд. Рӯзи 5-уми декабр дар ин бора намояндаи хоси ИМА дар умури Эрон Брайан Ҳук ба хабарнигорон маълумот дод. Президенти ИМА Доналд Трамп таъқиби эътирозҳоро шадидан маҳкум намуда, иброз дошт, ки Амрико бо мардуми Эрон аст.

Рӯзи 15-уми ноябр ҳукумати Эрон нархи бензинро то 200 фоиз боло бурд. Дар пайи он эътирозҳои мардумӣ оғоз ёфтанд ва мақомоти Эрон эътирозҳоро тавассути нерӯҳои амниятӣ пахш карданд. Як ҳафта дар Эрон интернет баста буд. Аксари расонаҳо шумораи қурбониҳои эътирозҳоро беш аз 100 нафар номидаанд. Созмони Дидбони Ҳуқуқи Башар ё Амнести Интернешнел навиштааст, ки шумораи қурбониҳо беш аз 208 нафар аст.

 
•Ноя•15

Иҷлосияи сарнавиштсоз - бунёдгузори давлатдории миллӣ

•E-mail• •Чоп• •PDF•

Иҷлосияи сарнавиштсоз - бунёдгузори давлатдории миллӣ

 

Яке аз санаҳои бузурги  таърихӣ барои мардуми шарифи тоҷик ин баргузории Иҷлосияи XV Шӯрои Олии Ҷумҳурии Тоҷикистон мебошад, ки дар таърихи тоҷикон  нақши барҷастае дорад. Тақдири давлат ва истиқлолият қувваҳои солими ҷомеаро ба мубориза барои ҳимоя намудани манфиатҳои ягонаи миллат ва пойдор намудани адолату қонуният даъват намуд.

Иҷлосияи XV Шӯрои Олии Ҷумҳурии Тоҷикистон бо мақсади хотима додан ба ҷанги дохилӣ, пешгирии фоҷиаи миллӣ ва харобшавии асосҳои иқтисодию ҷамъиятӣ ва сиёсии давлат, таҳкими сулҳу салоҳ, ҳамдигарфаҳмӣ ва ҳамкории гурӯҳҳои гуногун, ташкилотҳои ҷамъиятӣ ва ҳизбҳои сиёсӣ, таъмини фаъолияти муътадил ва таҳкими мақомоти давлатӣ бо дарназардошти принсипҳои башардӯстӣ баргузор гардид, ки замимаи асосии давлатдории миллӣ ҳисобида мешавад. Ҳамин аст, ки дар як муддати кӯтоҳ садҳо ҷавонони ватандӯст ба баҳри ҳифзи марзу буми кишвар сафарбар гардида, бо вуҷуди касодии иқтисодӣ Асосгузори сулҳу ваҳдати миллӣ – Пешвои миллат, Президенти Ҷумҳуиии Тоҷикистон муҳтарам Эмомалӣ Раҳмон ба таъсиси Артиши миллӣ  ва мустаҳкам намудани пояндадории давлат  чораҳои мушаххас андешиданд.

Сарвари давлат баҳри таъмини амнияти шахсӣ ва ёрии моддӣ имтиёзҳои имконпазирро кафолат доданд ва бори дигар собит сохтанд, ки роҳбарияти нави Ҳукумати Тоҷикистон тарафдори сулҳу осоиш аст ва баҳри сохтани ҷомеаи ҳуқуқбунёду демократӣ азму талош дорад ва ҳимояи шарафи инсонии ҳар фардро вазифаи аввалиндараҷаи худ медонад.

Сарвари давлат муҳтарам Эмомалӣ Раҳмон бортаъсид намудаанд: «Иҷлосияи XVI Шӯрои Олӣ бо тақозои таърих на танҳо тифли дар гаҳвора будаи Истиқлолиятро наҷот дод, балки тақдири ояндаи онро муайян сохт ва Тоҷикистони соҳибистиқлолро ба сӯйи ҷомеаи мутамаддин ва арзишҳои волои башарӣ ҳидоят намуд». Арзишҳои сиёсӣ, маданӣ ва давлатдории миллӣ натиҷаи ҳамин Иҷлосияи сарнавиштсози Шӯрои Олӣ ба ҳисоб рафта, минбаъд масири сохтмони давлати миллиро дар марҳалаи нави таърихӣ таъйин кардааст.

Аз он бармеояд, ки воқеан Ҳукумати Тоҷикистон таҳти роҳбарии Раҳбари давлат тавонист дар як муддати кӯтоҳ беш аз як миллион нафар гурезаро ба Ватан баргардонида, садҳо манзили вайрону харобгашта, мактабу биноҳои маъмурӣ, пулҳо ва иншооти дигари осебдидаро бо азму талоши мардуми созандаву ободкор таъмир ва барқарор намояд.

Аҳамияти таърихии Иҷлосияи XVI Шӯрои Олии Ҷумҳурии Тоҷикистон беназир буда, он ҳамчин рӯйдоди муҳимми таърихӣ тавонист, ки тоҷиконро ба сулҳу ваҳдат оварад ва барои устувор гардонидани пояҳои давлатдории миллӣ ва навини тоҷикон дар шароити ниҳоят мураккаби сиёсӣ замина фароҳам созад. Дар Иҷлосияи таърихии Шӯрои Олии Ҷумҳурии Тоҷикистон яке аз тағйироти хеле муҳиме, ки дар ҳамон давра ба миён омад, ин  ворид намудани тағйиру илова ба Конститутсияи кишвар буд, ки дар  ҷараёни иҷлосия қабул карда шуд.

Маҷидзода Р.М., н.и.ф.

 

 
•Ноя•13

Рузи конститутсия

•E-mail• •Чоп• •PDF•

Дар таърихи давлати соҳибистиқлоламон ҳамасола санаи 6 ноябр ҳамчун рӯзи қабули санади сарнавиштсози давлату миллат Конститутсияи Ҷумҳурии Тоҷикистон бо тантана таҷлил мегардад.

Бо ин муносибат санаи 4 ноябри соли 2019 дар қасри фарҳанги “Гулистон”-и ноҳияи Ҷаббор Расулов Рӯзи 25-солагии Конститутсияи Ҷумҳурии Тоҷикистон таҷлил гардид. Дар чорабинӣ Раиси ноҳия мӯҳтарам Салимзода Комил, намояндаи мақомоти иҷроияи ҳокимияти давлатии вилояти Суғд муҳтарам Темур Нӯъмонзода – сардори Раёсати ҳифзи муҳити зисти вилоят иштирок намуда ҳозиринро ба муносибати Рӯзи 25-солагии Конститутсияи Ҷумҳурии Тоҷикистон табрик намуданд.

Инчунин дар чорабинӣ намояндагони мақомотҳои қудратӣ, роҳбарони воҳидҳои сохтории мақомоти иҷроияи ҳокимияти давлатӣ, раисони Ҷамоатҳои шаҳраку деҳот, кормандони соҳаи маориф, собиқадорону ҷавонони ноҳия ва дигар таклифшудагон иштирок намуданд.

Дар давоми чорабинӣ барои хизматҳои шоиста дар барқароркунии сохти Коститутсионӣ як қатор иштирокчиёни барқароркунии сохти конститутсионӣ бо нишони сарисинагии «Ситораи сурх» ва туҳфаҳои мақомоти иҷроияи ҳокимияти давлатии ноҳия сарфароз гардонида шуданд.

Баъд аз қисми тантанавии чорабинӣ аз  тарафи бахши фарҳанги ноҳия баҳри болидахотирии иштирокчиён барномаи фарҳангӣ омода карда шуд.


•Навгонихо• ( •13.11.2019 15:09• )
 
•Сахифаи 1 аз 225•

Роҳбарияти ноҳия

Сомонаҳои расмӣ

ҲАМКОРОН

Кормандони мақомот