Ҳамдиёрони азиз!
Ҳамаи Шуморо ба муносибати Иди Саиди Фитр, ки онро мусулмонони ҷаҳон ҳамчун яке аз суннатҳои муътабар баъди як моҳи тоату ибодат ва рӯзадорӣ бо хушҳолии зиёд ҷашн мегиранд, табрик менамоям.
Бо шарофати Истиқлолияти давлатӣ ва сиёсати одилонаи Асосгузори сулҳу ваҳдати миллӣ – Пешвои миллат, Президенти кишварамон, муҳтарам Эмомалӣ Раҳмон таҷлил намудани Иди саиди фитр ба ҳукми анъана даромадааст.
Рӯзадорӣ манбаи поксозии маънавию равонии риёзати исломӣ буд, ки сафои қалб, ҷилои рӯҳ, ҳусни ботинӣ ва одобу ахлоқи ҳамидаи мардуми мусулмон мебошад.
Имрӯз мусулмонони мамлакат ба шарофати Истиқлолияти давлатӣ имкон доранд, ки тамоми фаризаҳои дини исломро бемамониат адо намоянд. Давлат ва Ҳукумати Тоҷикистон на танҳо ҳуқуқу озодиҳои шаҳрвандони мамлакатро доир ба эътиқод ҳимоя мекунад, балки дар ин бобат пайваста щамхорӣ ва шароиту имконият фароҳам меорад.
Моҳи Рамазон моҳи тарбияи инсонҳост. Мо наслҳои имрӯза бояд суннатҳои деринаро идомаи нек бахшем, зеро Иди Саиди Фитр ҳамчун яке аз воситаҳои беҳтарини ҳамдигарфаҳмиву муттаҳидии ҷомеа буда, бевосита ба таҳкими минбаъдаи пояҳои ваҳдату ҳамбастагии мардум мусоидат мекунад.
Дӯстони азиз!
Дар ин рӯз мардум бо шодиву сурур якдигарро ба ощӯши гарм ва пур аз меҳр мегиранд, Иди Саидро муборакбод мегӯянд. Гуноҳи кардаи якдигарро мебахшанд, қалбҳоро чун оина мусаффо мегардонанд.
Дар ин лаҳзаҳои фараҳбахш бори дигар ҳамаи Шумо, аҳли оилаатон ва тамоми сокинони ноҳияро ба муносибати Иди шарифи Рамазон муборакбод намуда, тандурустӣ, умри дароз, хушиҳои рӯзгор, дӯстию рафоқатро таманно дорам. Аз даргоҳи Худованди бузург бароятон хонаи обод, ризқу рӯзии фаровон, имону амонӣ ва илму амалу фарохдастӣ мехоҳам.
Иди Саиди Фитр муборак, ҳамдиёрони азиз!

Санаи 21 майи соли 2020 бо ташаббуси мақомоти иҷроияи ҳокимияти давлатии ноҳияи Ҷаббор Расулов оид ба пешгирии паҳншавии бемории коронавирус «COVID-19» кормандони Беморхонаи марказии ноҳия истифода аз балангӯяк сокинони Ҷамоатҳои шаҳраку деҳоти ноҳияро бе зарурат набаромадан аз ҷойи зист даъват намуда, таъкид намуданд, ки риояи қоидаҳои беҳдоштӣ, бахусус риоя кардани масофаи байниҳамдигарӣ, тез-тез шустани дастон, пӯшидани ниқоби тиббӣ, худдорӣ кардан аз нӯшидани нушокиҳои хунук, худдорӣ намудани кӯчабороии шахсони аз 65-сола боло, фарбеҳ, гирифтори бемории илтиҳоби шуш ва қанд аз талаботҳои пешгирӣ аз сироятии беморӣ мебошанд. Дар айни ҳол таъкид карда шуд, ки ба ягон таҳлука ё воҳима роҳ надода бояд ьар як шахс ба гигиенаи шахс риоя намуда, худ ва атрофиёнро аз ин бемории сироятц эмин нигоь дорад.

Ҳозирини гиромӣ! Ҷавонони азиз!

Нахуст мехоҳам ҳамаи Шуморо, ки дар асл бақои кишвару миллат ва созандаи фардои Ватани маҳбубу соҳибистиқлол ва халқи азизамон ҳастед, ба муносибати Рӯзи ҷавонони Тоҷикистон муборакбод менамоям. Воқеан, ҷавонон ҳамчун нерӯи созандаи кишвар, такягоҳ, умед ва ифтихори давлату ҷомеа ба шумор рафта, дар ршди соҳаҳои иқтисодиву иҷтимоии Ватани азизамон нақш ва мавқеи басо муҳимро касб карданд. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастгирии ҷавонон, таъмин намудан ба ҷойҳои нави корӣ, донистани илмҳои технологияи коммуникатсионӣ ва омӯхтани забонҳои хориҷӣ диққати махсус зоҳир намуда, пешниҳодҳои ҷавононро баҳри пешрафти диёри азизамон доимо дастгирӣ менамоянд. Ҷавононро мебояд аз ин имкони хуб истифода намоянд.

Имрӯз барои ҷавонони
хушбахт дар кишвар ҳама шароитҳо фароҳам оварда шудааст. Бахусус, дари муассисаҳои
илмӣ ба рӯйи ҷавонон бозанд. Миллат аз ҷавонон интизори кушоишҳои илмист ва танҳо
доштани дониши хубу замонавӣ метавонад дари фатҳу кушоишҳои илмиро боз кунад.

Тавре, ки Пешвои
миллат зикр намудаанд: «Ҷавонон қувваи бузург, нерӯи созанда ва ояндаи
миллатанд». Ҷавонон идомадиҳандаи суннатҳои таърихиву фарҳанги қадимаи миллати
худ, сарчашмаи ташаббусҳои бузург, манбаи афкори нав, эҷодкори тақдири имрӯзу
фардои Тоҷикистони соҳибистиқлол мебошанд. Дар замони дигаргуншавии ҷаҳонӣ ва
рушди босуръати илму техника талабот ба мутахассисони ихтироъкор ва техника
торафт зиёд шуда истодааст.

Барои дастгирии ҷавонони
соҳибистеъдод таъсиси стипендияҳои Президентӣ, раиси вилоят ва дар ин радиф
таъсиси стипендияи раиси ноҳия ва ҳамасола дар сатҳи баланди ҷамъиятиву сиёсӣ
таҷлил гардидани Рӯзи ҷавонон шаҳодати ғамхориҳои пайвастаи давлату Ҳукумат
нисбат ба насли ҷавони кишвар мебошад.

Боиси
хурсандист, ки солҳои охир ҷавонони ноҳия дар мусобиқаҳои варзишии ҷумҳуриявию
байналмилалӣ ширкат варзида, соҳиби медалҳои тиллову нуқра гардида, Парчами
давлатии Ҷумҳурии Тоҷикистонро баланд бардошта истодаанд. Инчунин дар соли
хониши 2019-2020 16 нафар хонандаи муассисаҳои таълимии ноҳия дар олимпиадаи ҷумҳуриявӣ
ва 2 нафар хонанда дар олимпиадаи байналмилалӣ иштирок намуда, ҷойҳои фахриро
ишғол намуданд.

Ҷавонони азиз!

Мақомоти иҷроияи ҳокимияти давлатии ноҳияи Ҷаббор Расулов дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои пайвастаи раиси вилояти Суғд муҳтарам Раҷаббой Аҳмадзода дар сиёсати худ ба ҷавон гардонидани ҳайати хизматчиёни давлатӣ, истифодаи баъзе аз ташаббусҳои онҳо дар татбиқи давлатдории навин, дастгирии мутахассисон ва оилаҳои ҷавон, ҷалби ҷавонон ба созандагиву бунёдкорӣ ва дигар масоили марбут ба ҷавонон таваҷҷуҳ зоҳир намуда, ба ин васила якчан иқдомҳои судмандро амалӣ намуда истодааст. Ҷавонони азиз, боварии комил дорем, ки шумо дарҳақиқат пайравони асили Пешвои муаззами миллат ҳастед ва дар иҷрои ҳама кору масъулият қодиру тавоноед ва барои бо дастовардҳои арзанда истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон саъю талош менамоед. Бо ин ниятҳои нек, шумо-ҷавонони саодатмандро бори дигар табрик намуда, бароятон бахту иқбол ва азму иродаи қавӣ орзу менамоям.

         Саломату
сарбаланд бошед, ҷавонони азиз!