Ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба омода намудани ҷавонон ба ҳаёти мустақилона, ҳифз ва нигоҳдошти беҳтарин анъана ва суннатҳои миллӣ дар бахши хонаводагӣ ва кадбонугӣ, тарбияи эҳсоси худшиносӣ ва меҳандўстӣ, баланд бардоштани маърифату маданияти занону духтарон, ҳавасмандгардонӣ ва муаррифии занону духтарони ҳунарманди соҳибистеъдод, бо мақсади тарғибу ташвиқи оилаи солим, маърифати одоби оиладорӣ, устувории оилаҳои ҷавон, бахшида ба солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» мутобиқи нақшаи мақомоти иҷроияи ҳокимияти давлатии ноҳия ба ифтихори Рўзи байналмилалии оила тадбирҳои зарурӣ роҳандозӣ мегардад. Бахшида ба ин рўз санаи 15 майи соли 2020 дар ноҳияи Ҷаббор Расулов ба оилаҳои барўманд ва ҳунармандони Ҷамоати шаҳраки Меҳробод, Ҷамоати деҳоти Гулхона, аз ҷумла оилаҳои Бобоевҳо, Тошбобоевҳо ва Эмомовҳо аёдат карда, табрикот ва туҳфаҳои Раиси вилояти Суғд ва раиси ноҳияи Ҷаббор Расулов супорида шуд.

Бо мақсади пешгирии касалии сироятии коронавирус «COVID-19» безараргардонии биноҳои маъмурӣ, утоқҳои корӣ, роҳравҳо дар кӯчаҳои Ҷамоати деҳоти Ғӯлакандози ноҳияи Ҷаббор Расулов аз ҷониби Маркази назорати давлатии санитарию эпидемиологии ноҳияи Ҷаббор Расулов дизенфексияи профилактикӣ бо маҳлулҳои биохимикӣ амалӣ гардонида шуд. Дар ҳамаи ташкилоту муассисаҳо ҳамарӯза пеш аз ба ҳудуди корхона даромадан дастони кормандон ва шахсони муроҷиаткунанда бо маҳлулҳои антисетикӣ безарар гардонида мешаванд ва ҳамчунин бе ниқоб даромадани онҳо қатъин ман карда шудааст.Инчунин дар байни сокинон корҳои фаҳмондадиҳӣ оид ба пешгирии паҳншавии бемории сироятии «COVID – 19» риояи қоидаҳои беҳдоштӣ аз ҷониби масъули кормандон ва волонтёрон бовусъат идома дорад.

Бо мақсади пурзӯр намудани чораҳои пешгирикунанда ҷиҳати сироятёбии сокинон ба бемории нави коронавирус (COVID-19) имрӯзҳо дар ноҳияи Ҷаббор Раулов тадбирҳои безараргардонӣ бомаром ҷараён дорад. Аз ҷониби Маркази назорати давлатии санитарию эпидемиологии ноҳия дар кӯчаҳо ва биноҳои истиқоматӣ, манзили зист ва роҳраву гулгаштҳо корҳои безараргардонӣ ба роҳ монда шуд. Инчуниндар байни сокинон корҳои фаҳмондадиҳӣ оид ба хона нишастан, бе зарурият ба кӯча набаромадан, истифодаи ҳатмии ниқоби тиббӣ ва риояи ҳатмии гигиенаи шахсӣ ҳамарӯза бовусъат давом дорад.