Шиносоии Раиси вилоят бо вазъи истифодаи қитъаҳои замини наздиҳавлигӣ дар Ҷамоати деҳоти Деҳмой

Раиси вилояти Суғд Раҷаббой Аҳмадзода зимни боздиди корӣ дар нозияи Ҷаббор Расулов бо вазъи истифодаи қитъаҳои замини наздиҳавлигӣ дар Ҷамоати деҳоти Деҳмой шинос гардид.

Раҷаббой Аҳмадзода аз ҷумла ба манзили Манзура Азаматова, сокини деҳаи Деҳмой ташриф овард. Чуноне ба Раиси вилоят иттилоъ доданд, оилаи Азаматовҳо бист сол инҷониб дар замини наздиҳавлигии худ анвои гуногуни зироатҳоро кишт намуда, зиндагии хешро таъмин менамоянд.

Замини наздиҳавлигии ин оила 0,07 гектар буда, дар он ҳамасола зироатҳои аввалибаҳорӣ ва сабзавот кишт карда мешавад. Имсол низ Манзура Азаматова ва аҳли оилааш карам, помидор, бодиринг, картошка ва кабудиҳо кишт карда, ният доранд, ки маҳсулоти барвақтиро ба бозор бароваранд.

Раиси вилоят ба тарзи истифодабарии замини наздиҳавлигии оилаи Азаматовҳо баҳои баланд дода, изҳор дошт, ки сокинони Ҷамоати деҳоти Деҳмой воқеан дар самти оқилона истифода бурдани замин намунаи ибратанд. Таъкид гардид, ки бояд таҷрибаи ин оилаи кишоварз дар дигар минтақаҳо низ ба таври васеъ истифода бурда шавад.

Мулоқоти Раиси вилояти Суғд бо фаъолони ноҳияи Ҷаббор Расулов

Дар идомаи мулоқотҳои худ бо фаъолони шаҳру ноҳияҳо Раиси вилояти Суғд Раҷаббой Аҳмадзода рӯзи 22 апрел бо фаъолони ноҳияи Ҷаббор Расулов мулоқот орост.

Дар мулоқот таъкид гардид, ки роҳбарияти ноҳия ва фаъолонро зарур аст, ки баҳри иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти истифодаи самараноки замин аз тамоми имкониятҳо истифода намоянд.

Зикр карда шуд, ки дар ноҳия барои кишт ва истеҳсоли маҳсулоти гуногуни кишоварзӣ имкониятҳо мавҷуд аст ва танҳо сокинон бояд замини дар ихтиёрдоштаи хешро самарнок истифода намоянд.

Ба иттилои масъулин дар ноҳия беш аз 13 000 гектар замини корами обӣ вуҷуд дошта, дар зиёда аз 10 000 гектари он кишти баҳорӣ гузаронида мешавад.

Масоҳати замини наздиҳавлигии сокинон 3260 гектар ва замини хоҷагиҳои ёрирасон 1155 гектарро ташкил мекунад, ки дар сурати оқилонаву самаранок истифода бурдани онҳо иловатан метавон 10 ҳазор тонна маҳсулоти кишоварзӣ истеҳсол кард.

Раҷаббой Аҳмадзода иброз дошт, ки сокинони ноҳия дар истифодаи қитъаҳои замини наздиҳавлигӣ таҷрибаи хуб доранд ва аз тарафи бархе деҳқонон дар як сол то се-чор маротиба ҳосил гирифта мешавад. Ин таҷрибаи нек бояд миёни ҳамаи аҳолӣ роиҷ гардад ва мардум бо ба даст овардани ҳосили дилхоҳ бояд сатҳи зиндагии хешро беҳтар созад.

Дар охири мулоқот ба масъулин баҳри иҷрои саривақтии супоришҳои Сарвари давлат, истифодаи оқилонаву самараноки замин, қитъаҳои замини наздиҳавлигӣ, пешгирии бемориҳои сироятӣ, дасти кӯмак дароз кардан ба ятимону ниёзмандон дар моҳи шарифи Рамазон супоришҳо дода шуд.

ЭЪЛОНИ ОЗМУН БАРОИ ИШҒОЛИ МАНСАБҲОИ ХОЛИИ МАЪМУРИИ ХИЗМАТИ ДАВЛАТӢ

Сармутахассиси (муҳандиси заминсоз) Ҷамоатҳои шаҳраки Меҳробод, деҳоти Fӯлакандоз; Сомониён; Ҳаёти нав; Деҳмойи ноҳияи Ҷаббор Расулов – 5 ҷой;

Талаботи тахассусӣ барои довталабон:

таҳсилоти
олии касбӣ, ихтисоси ба мансаби ишғолшаванда мувофиқ, ки иҷрои самараноки
вазифаҳои мансаби мазкури маъмурии хизмати давлатиро таъмин карда метавонад;
2 сол собиқаи хизмати давлатӣ ё 3 сол собиқаи
умумии меҳнатӣ;
донистани санадҳои
меъёрии ҳуқуқӣ, ки иҷрои уҳдадориҳои мансабии сармутахассисиро ба танзим
медароранд;
малакаи хуби муошират бо аҳли ҷомеа, аз ҷумла
маҳорати ба роҳ мондани ҳамкорӣ ҳангоми татбиқи манфиатҳои давлатӣ;
Маоши мансабӣ – 894 сомонӣ, иловапулӣ барои собиқаи
хизмати давлатӣ аз рӯи Ҷадвали ягонаи тарифӣ.
Сармутахассиси дин, танзими анъана ва ҷашну
маросими Ҷамоати шаҳраки Меҳрободи ноҳияи Ҷаббор Расулов – 1 ҷой;