Санаи 12-уми марти соли 2020-ум соати 09:00 тибқи ҷадвали тасдиқнамудаи мақомоти иҷроияи ҳокимияти давлатии вилояти Суғд дар маҷлисгоҳи мақомоти иҷроияи ҳокимияти давлатии ноҳия иҷлосияи якуми Маҷлиси вакилони халқи ноҳия, даъвати шашум баргузор гардид.

Ҳамчунин дар кори иҷлосия муовинони раиси ноҳия, роҳбари дастгоҳи раиси ноҳия, сардорони Раёсату кумитаҳо, мудирони шуъбаву бахшҳои воҳидҳои сохторӣ, роҳбарони мақомоти ҳифзи ҳуқуқ, раисони Ҷамоатҳои шаҳраку деҳот, роҳбарони ташкилоту корхонаҳо, муассисаҳои таҳсилоти миёнаи умумӣ ва дигар шахсони ба масъалаҳои иҷлосия дахлдор иштирок доштанд.
Дар кори иҷлосия намояндаи мақомоти иҷроияи ҳокимияти давлатии вилояти Суғд Рустамзода Сӯҳроб – мудири шуъбаи дин, танзими анъана ва ҷашну маросими вилоят иштирок намуд. 
Иҷлосия бо садо додани Суруди миллии Ҷумҳурии Тоҷикистон кори худро оғоз намуда, дар он масъалаҳое, ки ба иҷлосия таълуқ дошт мавриди баррасӣ қарор дода шуд.
Доири ҳамаи масъалаҳое, ки дар рӯзномаи иҷлосия ҷой доштанд, қарорҳои дахлдор қабул карда шуданд.

Сипас, намояндаи мақомоти иҷроияи ҳокимияти давлатии вилояти Суғд Рустамзода Сӯҳроб – мудири шуъбаи дин, танзими анъана ва ҷашну маросими вилоят ба сухан баромада, нисбати кори иҷлосия ва масъалаҳои дар рӯзномаи иҷлосия баррасигашта фикру мулоҳизаҳои худро баён намуд.

Раиси Маҷлис баъд аз суханронии намояндаи мақомоти иҷроияи ҳокимияти давлатии вилоят иҷлосияи якуми Маҷлиси вакилони халқи ноҳия, даъвати шашумро пӯшида гуфта эълон намуд.
Суруди миллии Ҷумҳурии Тоҷикистон садо дод ва ба кори иҷлосия хотима бахшид. Иҷлосия дар сатҳи баланди сиёсӣ баргузор гардид

Мусаллам аст, ки имрӯзҳо яке аз неруҳои пуриқтидори пешбарандаи ҷомеа матбуот ба ҳисоб рафта, нақши матбуотчиён дар мукаммалсозии фазои иттилоотӣ ва демократикунонии ҷомеа бағоят муҳим аст. Боиси хушнудист, ки дар даврони соҳибистиқлолии кишварамон бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушду инкишофи ин соҳаи муҳими афзалиятнок ба марҳилаҳои сифатан нав расид. Ҳар сол таҷлил гардидани Рӯзи матбуоти тоҷик нишонаи таваҷҷуҳ ва эътибор ба матбуотчиёни кишвар аст.

Санаи 11 марти соли 2020 дар маҷлисгоҳи мақомоти иҷроияи ҳокимияти даввлатии ноҳияи Ҷаббор Расулов ҷамомади тантанавӣ бахшида ба Рӯзи матбуоти тоҷик ва 85-солагии таъсисёбии  рӯзномаи ноҳиявии «Иқбол» баргузор гардид. Дар он чорабинӣ иҷрокунандаи вазифаи раиси ноҳия муҳтарам Тоҳир Қудратзода, рӯзноманигорон ва кормандони рӯзномаи ноҳиявии «Иқбол», «Омӯзгор ва хонанда», ва кормандони телевизиони маҳаллии «Ғӯлакандоз» иштирок намуданд. Ҷамомади мазкурро муовини якуми раиси ноҳия Қосимӣ Файзулло ифтитоҳ намуд. Иҷрокунандаи вазифаи раиси ноҳия муҳтарам Қудратзода Тоҳир Толибӣ ба сухан баромада, иштирокчиёни ҷамъомадро ба муносибати Рӯзи матбуоти тоҷик ва 85-солагии таъсисиёбии рӯзномаи «Иқбол» табрик намуд. Инчунин барои собиқадорони соҳаи матбуот ва рӯзноманигорон бо сипоснома ва туҳфаҳои хотиравии мақомоти иҷроияи ҳокимияти давлатии ноҳия қадрдонӣ карда шуданд.

Бо мақсади дар амал татбиқ намудани банди 7 ва зербанди 14 «Барномаи маҳаллии маҷмӯи рушди тарбияи ҷисмонӣ ва варзиш барои солҳои 2017-2021» дар ноҳияи Ҷаббор Расулов ва тибқи нақшаи чорабиниҳои бахши кор бо ҷавонон ва варзиши ноҳия, инчунин бо дасгирии иҷрокунандаи вазифаи Раиси ноҳия муҳтарам Тоҳир Қудратзода санаҳои 2 то 4 марти соли 2020 дар толори «Чемпион»-и Ҷамоати деҳоти Ғӯлакандози ноҳия мусобиќаи ноҳиявӣ оид ба волебол байни бонувони корхонаву идораҳо ва муассисаҳои таҳсилоти миёнаи умумии ноҳия доир гардид.
Дар мусобиқаи мазкур дастаи варзишгарбонувони муассисаи таҳсилоти миёнаи умумии №22-и ноҳия сазовори ҷойи якум, беморхонаи физиотерапевтии вилояти Суғд дар Ҷамоати деҳоти Ғӯлакандоз сазовори ҷойи дуюм ва Колеҷи муҳандиси омӯзгори ғолиби Ҷойи сеюм гардиданд, ки бо диплом, медал ва тӯҳфаҳои мақомоти иҷроияи ҳокимияти давлатии ноҳия қадрдонӣ карда шуданд.
Ҳадаф аз баргузории мусобиқаи мазкур тарғибу ташвиқи тарзи ҳаёти солим, оммавӣ гардонидани варзиш дар ҷоема, ҷалби ҷавонондухтарон ва бонувон ба намуди варзиши волейбол ва мустаҳкам намудани робитаи дӯстӣ онҳо мебошад.